Brat Gníomhach

Tóraíocht na Samhna

Nuair a thagann Oíche Shamhna, bíonn spraoi againn is spórt…..

Fuair ranganna obair bhaile gníomhach roimh laethanta saoire na Samhna i mbliana agus bhí orainn siúl ar nós Frankenstein, léim thar puimcíní, rith ó phúca, lamhacán ar nós damhán alla, léimeanna Jack (-o-Lantern) a dhéanamh, damhsa ar nós cnámharlach, eitilt ar nós ialtóg, fanacht chomh socair le hialtóg, áladh ar nós zombaí a dhéanamh agus gróigeadh le puimcín a dhéanamh.

Ghléasamar suas in éide agus feisteas scanrúil ar an lá deireadh scoile roimh an mbriseadh. D’éirigh linn dul amach agus Tóraíocht na Samhna a dhéanamh nuair a bhí an aimsir go deas. Bhí Tóraíocht na Samhna ar siúl ar chlós na scoile agus ar shuíomh na scoile freisin agus bhaineamar úsaid as an mBealach Siúil nua.

D’fhoghlaimíomar an damhsa Snap freisin leis an Adams Family agus rinneamar taispeántas sa chlós. Bhí an-spraoi go deo againn.

An Coiste Gníomhach

2019-2020

Bhí comórtas againn chun Mana an Bhrat Ghníomhach a roghnú agus is é an mana a roghnaíodh ná:

‘’Ardaigh do chroí agus tú ag spraoi’’

Lá Náisiúnta Corpacmhainne 26 Meán Fómhair 2019

Chun ceiliúradh a dhéanamh ar an lá seo rinne na Naíonáin bac chúrsa agus cluichí rith. D’imir Rang 1-6 cluiche Seachain an Liathróid i gcoinne a chéile agus ansin bhí comórtas againn Múinteoirí V Páistí.